සහරාන් දියණිය, බිරිඳගේ මව්පියන් භාරයට පත්කරන්නැයි අධිකරණයෙන් නියෝග..
පසුගිය පාස්කු ඉරුදින ත්‍රස්ත ප්‍රහාරයේ ප්‍රධානියා වශයෙන් සැලකෙන මොහොමඩ් සහරාන් හෂීම්ගේ දියණිය, ඔහුගේ බිරිඳගේ දෙමව්පියන්ට භාරදෙන්නැයි අධිකරණය විසින් නියෝග කර ඇති බව වාර්තා වේ. සහරාන්ගේ බිරිඳ මේ වන විට අපරාධ පරික්ෂණ දෙපාර්තමේන්තුව භාරයේ සිටීම නිසා දියණිය පරිවාස භාරයට හෝ සුදුසු භාරකරුවෙකු යටතට පත්කරන්නැයි අපරාධ පරීක්ෂණ දෙපාර්තමේන්තුව විසින් කරන ලද ඉල්ලීම සලකා බැලූ කොටුව මහේස්ත්‍රාත් අධිකරණය විසින් මෙම නියෝගය ලබාදී ඇත. එමෙන්ම මොහොමඩ් සහරාන් හෂීම්ගේ මෙම සිව් හැවිරිදි දියණිය සම්බන්ධයෙන් නිසි අධීක්ෂණයකින් පසුවන්නැයි කුලියාපිටිය පරිවාස නිලධාරීවරයාට ද කොටුව මහේස්ත්‍රාත් අධිකරණය නියෝගයක් ලබාදී තිබේ.
