පොලිස්පති පූජිත්ගේ දිවුරුම් ප්‍රකාශය පිළිගැනීම ගැන ශ්‍රේෂ්ඨාධිකරණ නියෝගය අද..
මේ වන විට අනිවාර්ය නිවාඩු යවා සිටින පොලිස්පති පූජිත් ජයසුන්දර මහතා විසින් ගොනුකර තිබෙන දිවුරුම් ප්‍රකාශය පිළිගැනීම හෝ නොගැනීම පිළිබද නියෝගය ශ්‍රේෂ්ඨාධිකරණය විසින් අද (05) ප්‍රකාශයට පත්කිරීමට නියමිතව තිබේ. හිටපු ආරක්ෂක ලේකම්වරයා සහ පොලිස්පතිවරයාට එරෙහිව ඉදිරිපත් කර තිබෙන මූලික අයිතිවාසිකම් පෙත්සම් වලට අදාළ දිවුරුම් ප්‍රකාශය අසත්‍ය සහ පදනම් විරහිත මෙන්ම අපරාධ චෝදනා එල්ල කරමින් ඉදිරිපත් කර ඇති බවත් එබැවින් එම පෙත්සම වහාම ඉවත්කිරිමට නියෝග කරන්නැයි නීතිපතිවරයා විසින් ශ්‍රේෂ්ඨාධිකරණයෙන් විශේෂ ඉල්ලීමක් කර තිබුණි. ඒ අනුව සත් පුද්ගල ශ්‍රේෂ්ඨාධිකරණ විනිසුරු මඩුල්ල විසින් අදාළ පෙත්සම් සලකා බැලූ අතර එම විරෝධතාව පිළිබඳ තීන්දුව අද ප්‍රකාශයට පත්කරන බව සඳහන් කරන ලදී.
