සංඥා දෝෂයක් හේතුවෙන් ප්‍රධාන මාර්ගයේ දුම්රිය ධාවනයට බාධා..
සංඥා දෝෂයක් හේතුවෙන් ප්‍රධාන මාර්ගයේ මරදාන සහ කොළඹ කොටුව දුම්රිය ස්ථාන අතර දුම්රිය ධාවනයට බාධා එල්ලවී ඇති බව වාර්තා වේ. මේ හේතුවෙන් ප්‍රධාන මාර්ගයේ කොළඹ කොටුව දෙසට ධාවනය වන දුම්රිය සියල්ලම පාහේ ප්‍රමාදවූ බව දුම්රිය පාලක මැදිරිය සඳහන් කර සිටියි. මෙම තත්ත්වය හේතුවෙන් අද උදෑසන කොළඹ කොටුව දක්වා ධාවනය වූ කාර්යාල දුම්රිය ඇතුළු දුම්රියන් රැසක් බොහෝ වේලාවක් ප්‍රමාදවී දුම්රිය මගීන් විශාල ප්‍රමාණයක් අපහසුතාවයට පත්ව ඇත.
