සහරාන් සමග පුහුණුව ලත් අයෙකු බේරුවලදී දැලේ..
පාස්කු ඉරිදා ත්‍රස්ත ප්‍රහාරයේ මහ මොළකරු ලෙස සැලකෙන මරාගෙන මැරෙන බෝම්බකරු මොහොමඩ් සහරාන් නැමැත්තා සමඟ පුහුණුව ලැබූ බවට සැක පුද්ගලයෙකු ඊයේ (03) රාත්‍රි කාලයේ බේරුවල, අඹේපිටිය ප්‍රදේශයේ දී අත්අඩංගුවට පත්ව ඇති බව වාර්තා වේ. කොළඹ අපරාධ කොට්ඨාශයේ විසින් මීට පෙර අත්අඩංගුවට ගෙන මේ වන විට කොළඹ අපරාධ කොට්ඨාසයේ රඳවා තබා විමර්ශනය කරනු ලබන සැකකරුවෙකුගේ දුරකථන අංකයට අදාළව කරන ලද දුරකථන අංක විශ්ලේෂණයකදී හෙළිවී ඇති තොරතුරු අනුව අත්අඩංගුවට පත්ව ඇති මෙම සැකකරු මෙහොමඩ් වසීම් හෙවත් අබුමස්ඌඩ් නැමති විසි හැවිරිදි මාවනැල්ල ප්‍රදේශයේ පදිංචිකරුවෙකු බව අනාවරණය වී තිබේ.
