රාජාසන කථාව පරාජයට පත්කිරීමට හෝ ඊට විරුද්ධ වීමට කිසිඳු තීරණයක් ගෙන නෑ – එක්සත් ජාතික පක්ෂ පාර්ලිමේන්තු මන්ත්රී විජේපාල හෙට්ටිආරච්චි
ජනාධිපති ගෝඨාභය රාජපක්ෂ මහතාගේ රාජාසන කථාව පරාජයට පත්කිරීමට හෝ ඊට විරුද්ධ වීමට කිසිඳු තීරණයක් ගෙන නොමැති බව එක්සත් ජාතික පක්ෂ පාර්ලිමේන්තු මන්ත්රී විජේපාල හෙට්ටිආරච්චි මහතා අවධාරණය කර සිටියි. ජනවාරි 03 වනදා පෙරවරු 10.00 ට ජනාධිපති ගෝඨාභය රාජපක්ෂ මහතාගේ ප්රධානත්වයෙන් නව පාර්ලිමේන්තු සැසිවාරය ආරම්භවන අතර එහිදී පාර්ලිමේන්තු සම්ප්රදායට අනුව පාර්ලිමේන්තු සැසිවාරය ආරම්භ කර ජනාධිපතිවරයා විසින් ආණ්ඩුවේ ප්රතිපත්ති ප්රකාශය ඉදිරිපත් කිරීමට නියමිතය. ඒ අනුව එම රාජාසන කතාව, පරාජයට පත්කිරීමට විපක්ෂයේ ඇතැම් පිරිස් සූදානමින් සිටින බවට මත පළවී ඇත. ඒ අනුව ඒ පිළිබඳව අදහස් දක්වමින් එක්සත් ජාතික පක්ෂ පාර්ලිමේන්තු මන්ත්රී විජේපාල හෙට්ටිආරච්චි මහතා විසින් ඉහත අදහස් දක්වන ලදී.